Në sport dhe aktivitet fizik të intensitetit të lartë, performanca dhe rikuperimi janë dy faktorët që bëjnë diferencën. Trupi kërkon mbështetje jo vetëm për të gjeneruar energji, por edhe për të parandaluar dëmtimet muskulore. Malati i magnezit është një nga suplementet më të vlefshme për sportistët dhe individët aktivë, për shkak të rolit të tij në prodhimin e energjisë dhe funksionin neuromuskular.

Roli i malatit të magnezit në performancën fizike

Malati i magnezit, një kombinim i magnezit me acidin malik, luan rol kyç në:

• Prodhimin e energjinë qelizore (ATP) gjatë ushtrimeve intensive;

• Relaksimin e muskujve pas tkurrjes;

• Parandalimin e ngërçeve dhe kontraksioneve të pakontrollueshme pas stërvitjes;

• Mbështetjen në kushte hipoksie qelizore – kur niveli i oksigjenit bie gjatë aktiviteteve fizike intensive.

Si funksionon?

Frenon çlirimin e acetilkolinës

Acetilkolina është një neurotransmetues që nxit kontraktimin e muskujve. Malati i magnezit ndihmon në balancimin e aktivitetit neuromuskular, duke parandaluar hipereksitueshmërinë që shkakton ngërçe, tension dhe spazma.

Rrit transportin e NADH në mitokondri

Acidi malik përmirëson transportuesin malat-aspartat, një sistem që ndihmon në sjelljen e NADH nga citozoli në mitokondri – vendi ku prodhohet energjia.
Ky proces është jetik për rikuperim të shpejtë dhe për vitalitet të qëndrueshëm gjatë stërvitjes.

Lexo edhe: Roli i magnezit te energjia dhe impulset elektrike

Pse është veçanërisht i vlefshëm për sportistët?

• Rrit qëndrueshmërinë fizike;
• Përshpejton rikuperimin muskulor pas stërvitjes;
• Zvogëlon rrezikun e lëndimeve nga lodhja dhe tkurrjet e tepërta;
• Mbështet prodhimin e ATP-së si në kushte aerobike ashtu edhe anaerobike.

Për kë rekomandohet?

• Atletë dhe sportistë profesionistë
• Persona që bëjnë stërvitje intensive
• Njerëz që vuajnë nga ngërçe muskulore pas aktivitetit fizik
• Të apasionuar pas palestrës që ndihen të lodhur pas stërvitjes

Malati i magnezit është më shumë se një suplement klasik – është një mbështetje e gjithanshme për muskujt, nervat dhe mitokondritë. Për sportistët dhe individët aktivë, ky kombinim i fuqishëm është çelësi për një performancë të qëndrueshme, rikuperim më të shpejtë dhe shmangie të lodhjes muskulore.